Ачасене халăх культурипе, ăс-хакăлпа шухăш-кăмăл пуянлăхĕпе паллаштарас, шкул ачисене чăваш чĕлхипе тата литературипе  тĕпчев ĕçне явăçтарас тĕллевпе Чăваш Республикин вĕренÿ тата çамрăксен политикин министерстви тата Чăваш республикин вĕренÿ институчĕ  чăваш чĕлхипе тата литературипе  регионсен интернет олимпиадине ирттерчĕç. Олимпиадăна Чăваш Республикин тата республика тулашĕн вĕренÿ организацийĕсенче  5-6 классенче вĕренекен ачасем хутшăнчĕç.

Юпа уйăхĕн 29-мешĕнче иртнĕ интернет олимпиадăна пирĕн   шкулти  ачасем те  хастар хутшăнчĕç.  Тест формипе панă ыйтусене ачасем  тĕрĕс хуравласа малти вырăнсене йышăнас тĕллевпе тăрăшсах ĕçлерĕç.

Ачасене тата вĕсен ертÿçисене, чăваш чĕлхипе литературине вĕрентекен Н.И.Павловăна тата Л.В.Павловăна, ăнăçу  сунатпăр.