Ачасене халăх культурипе, ăс-хакăлпа шухăш-кăмăл пуянлăхĕпе паллаштарас, шкул ачисене чăваш чĕлхипе, литературипе тата культурипе тĕпчев ĕçне явăçтарас тĕллевпе Чăваш Республикин вĕренÿ тата çамрăксен политикин министерстви тата Чăваш республикин вĕренÿ институчĕ  чăваш чĕлхипе, литературипе тата культурипе регионсен интернет олимпиадине ирттерчĕç. Олимпиадăна Чăваш Республикин тата республика тулашĕн вĕренÿ организацийĕсенче  5-6 классенче вĕренекен ачасем хутшăнчĕç.

Интернет олимпиадăна пирĕн   шкулти  ачасем те  хастар хутшăнчĕç.  Тест формипе панă ыйтусене ачасем  тĕрĕс хуравласа малти вырăнсене йышăнчĕç, олимпиада призерĕсем пулса тăчĕç. А. Макарова, Ф.Софроновăна, К.Софроновăна, Е.Михайловăна(5 –меш класс вĕренекенĕсем), А.Красновăна, Е.Алексеевăна, О.Аксаковăна, Е.Юрминана (6-мĕш класс вĕренекенĕсем) тата вĕсен ертÿçирне, чăваш чĕлхипе литературине вĕрентекен Н.И.Павловăна саламлатпăр, вĕренÿре ăнăçу, хастарлăх сунатпăр.