5-мĕш класра вĕренекенсем хăйсен амăшĕсене Аннесен кунĕ ячĕпе саламлама хăнана чĕнчĕç.  Ачасем  пурнăç  парнеленĕ  çыннисене  хăйсен аллипе ăсталанă  парнесемпе чысларĕç, юрă-ташăпа савăнтарчĕç. Чи кăсăкли вара – «Пирĕн аннесем -  тĕрлĕ енлĕ ăстасем» конкурс пулчĕ. Вĕренекенсем амăшĕсене тĕрлĕ  ĕçре тĕрĕслерĕç,  хăйсен çывăх çыннисен çитĕнĕвĕсемшĕн чунтан савăнчĕç.