Сурхури – чăвашсен авалтанпа пыракан, паянхи кунччен сыхланса юлнă уявĕ. Йăлана кĕнĕ тăрăх, Нăрваш Шăхаль вăтам шкулĕнче вĕренекенсем ку йăла- йĕркене çулсеренех паллă тăваççĕ. Кăçал та «Малтанхи утăмсем» кружока çÿрекенсем чăваш чĕлхипе литературине вĕрентекен Н.И.Павлова ертсе пынипе кĕçĕн класра вĕренекен ачасемпе пĕрле Сурхури уявне паллă турĕç. Тĕрлĕрен сăвă- такмак каласа, ташă ташласа савăнчĕç. Чăвашсен йăлине пăхăнса шÿтернĕ пăрçине те выльăх – чĕрлĕхĕ ăнса пытăр тесе сапма манмарĕç. Ачасене аслисем канфет – пĕремĕкпе хăналарĕç. Уява хутшăнакансем пурте кăмăллă юлчĕç.